Viral Dance: ಮಧ್ಯರಾತ್ರಿಯಲ್ಲಿ ನಡುರಸ್ತೆಯಲ್ಲೇ ಬಿಂದಾಸ್ ಡ್ಯಾನ್ಸ್ ಮಾಡಿದ ಜೋಡಿ, ವಿಡಿಯೋ ವೈರಲ್

ಇತ್ತೀಚಿನ ದಿನಗಳಲ್ಲಿ ಡಾನ್ಸ್ ಎಂದರೆ ಎಲ್ಲರಿಗೂ ಒಂದು ತರಹದ ಕ್ರೇಜ್ ಎನ್ನಬಹುದು. ಡಾನ್ಸ್ ಮಾಡಲು ಅವಕಾಶಗಳು ಸಿಕ್ಕರೆ ಎಲ್ಲದರಲ್ಲಿ ಸ್ಟೆಪ್ ಹಾಕುವ ಯುವಕ ಯುವತಿರು ನಮ್ಮ ಸುತ್ತ ಮುತ್ತಲೂ ಇದ್ದಾರೆ. ಅದರಲ್ಲಿಯೂ ಈ ಸೋಶಿಯಲ್ ಮೀಡಿಯಾ ಯುವಕ ಯುವತಿಯರ ಪಾಲಿಗೆ ಅವಕಾಶವನ್ನು ಕಲ್ಪಿಸಿಕೊಟ್ಟಿವೆ. ಅನೇರು ಈ ಸಾಮಾಜಿಕ ಜಾಲತಾಣಗಳ ಮೂಲಕವೇ ತಮ್ಮ ಪ್ರತಿಭೆಗಳನ್ನು ಹೊರಹಾಕುತ್ತಿರುತ್ತಾರೆ. ಆದರೆ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿರುವ ವಿಡಿಯೋಗಳಲ್ಲಿ ಎಲ್ಲರ ಗಮನ ಸೆಳೆಯುತ್ತಿರುವುದು ಈ ಹುಡುಗ ಹುಡುಗಿಯ ಡಾನ್ಸ್.. ಹೌದು ಈ ಜೋಡಿಯೊಂದು ನಿರ್ಜನ ನಡು ರಸ್ತೆಯಲ್ಲಿಯೇ ಬೀದಿ ದೀಪಗಳ ಸಹಾಯವನ್ನು ತೆಗೆದುಕೊಂಡ ತುಂಬಾ ರೊಮ್ಯಾಂಟಿಕ್ ಆಗಿ ಡಾನ್ಸ್ ಮಾಡಿದ್ದಾರೆ. ಈ ಜೋಡಿಯ ಡಾನ್ಸ್ ನೋಡಿದರೆ ಡಾನ್ಸ್ ಎಕ್ಸ್ಪರ್ಟ್ ಗಳ ರೀತಿಯಲ್ಲಿ ಹೆಜ್ಜೆ ಹಾಕಿದ್ದಾರೆ.

ಅಂದಹಾಗೆ, ಪ್ರೇರಣಾ ಮಹೇಶ್ವರಿ ಎಂಬ ಬಳಕೆದಾರರು ಈ ವಿಡಿಯೋವನ್ನು ತಮ್ಮ ಟ್ವಿಟರ್‌ನಲ್ಲಿ ಖಾತೆಯಲ್ಲಿ ಟ್ವೀಟ್ ಮಾಡಿದ್ದಾರೆ. ಈ ವಿಡಿಯೋದಲ್ಲಿ ರಸ್ತೆಯ ಬೀದಿ ದೀಪಗಳ ಕೆಳಗೆ ಹುಡುಗ ಮತ್ತು ಹುಡುಗಿ ನೃತ್ಯ ಮಾಡುವುದನ್ನು ಕಾಣ ಬಹುದಾಗಿದೆ. ಈ ಇಬ್ಬರೂ ಡಾನ್ಸ್ ಮಾಡುತ್ತಿರುವುದನ್ನು ಯಾರೋ ಒಬ್ಬರು ಚಿತ್ರೀಕರಣ ಮಾಡುತ್ತಿದ್ದಾರೆ. ಈ ವಿಚಾರವು ಆ ಜೋಡಿಗೆ ತಿಳಿದಿಲ್ಲ. ಹೀಗಾಗಿ ನಿರಾತಂಕವಾಗಿ ಡಾನ್ಸ್ ಮಾಡುತ್ತಿದ್ದಾರೆ ಈ ಜೋಡಿ. ಈ ವಿಡಿಯೋವನ್ನು ಗಮನಿಸಿದರೆ, ಛಾವಣಿ ಅಥವಾ ಯಾವುದಾದರೊಂದು ಕಟ್ಟಡದಿಂದ ಚಿತ್ರೀಕರಣ ಮಾಡಿದಂತೆ ಕಾಣುತ್ತದೆ. ಹೀಗಾಗಿ ಕಟ್ಟಡ ಕೆಳಗಿನ ರಸ್ತೆಯಲ್ಲಿ ಈ ಜೋಡಿಯೂ ಡಾನ್ಸ್ ಮಾಡಿರುವ ಕ್ಯಾಮರಾದಲ್ಲಿ ಸೆರೆಯಾಗಿದೆ ಎನ್ನುವುದು ಪಕ್ಕಾ. ನಿರ್ಜನ ರಸ್ತೆಯಲ್ಲಿ ಬೀದಿ ದೀಪಗಳ ನಡುವೆ ಡಾನ್ಸ್ ಮಾಡುತ್ತಿರುವ ಈ ಜೋಡಿಯೂ ಯಾರು ಎಂಬುದು ತಿಳಿದು ಬಂದಿಲ್ಲ. ಆದರೆ ಈ ಜೋಡಿಯ ವಿಡಿಯೋ ವೈರಲ್ ಆಗಿದ್ದು, ಯಾವ ಡಾನ್ಸರ್ ಗೂ ಕಡಿಮೆಯಿಲ್ಲ ತಿಳಿಯುತ್ತದೆ. ಅದ್ಭುತವಾಗಿ ಹಾಡಿಗೆ ಹೊಂದಿಕೆಯಾಗುವಂತೆ ಹೆಜ್ಜೆ ಹಾಕಿದ್ದಾರೆ. ಈ ವಿಡಿಯೋವು ಸುಮಾರು 16 ಸೆಕೆಂಡ್ ಗಳಿದ್ದು, 12 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಪಡೆದಿದೆ. ಇದಲ್ಲದೆ, ವೀಡಿಯೊವನ್ನು 1500 ಕ್ಕೂ ಹೆಚ್ಚು ಬಾರಿ ರೀಟ್ವೀಟ್‌ ಮಾಡಲಾಗಿದೆ. ಅದರ ಜೊತೆಗೆ ಈವರೆಗೂ ಸರಿ ಸುಮಾರು 2.5 ಲಕ್ಷ ವೀಕ್ಷಣೆಗಳನ್ನು ಪಡೆದುಕೊಂಡಿದೆ.

ಈ ಡಾನ್ಸ್ ವಿಡಿಯೋಗೆ ಮೆಚ್ಚುಗೆಯ ಪ್ರತಿಕ್ರಿಯೆಗಳು ವ್ಯಕ್ತವಾಗಿದೆ. ಬಳಕೆದಾರರಲ್ಲಿ ಅನೇಕರು, ‘ ಇಬ್ಬರೂ ಯಾವುದಾದರೊಂದು ನೃತ್ಯ ಕ್ರಾರ್ಯಕ್ರಮಕ್ಕಾಗಿ ಅಭ್ಯಾಸ ನಡೆಸುತ್ತಿದ್ದಾರೆ ಮತ್ತು ಇದೇ ಕಾರಣಕ್ಕೆ ಅವರು ನೃತ್ಯದಲ್ಲಿ ಇಷ್ಟೊಂದು ಮುಳುಗಿಹೋಗಿದ್ದಾರೆ ‘ ಎಂದು ಬರೆದಿದ್ದಾರೆ. ಇನ್ನು, ಕೆಲವರು ಇದೊಂದು ಅದ್ಭುತ ಜೋಡಿ ಎಂದು ಹೇಳಿದರೆ, ನ್ನುಳಿದವರು ಸಹೋದರ ಸಹೋದರಿಯರ ಜೋಡಿ ಇದಾಗಿದೆ ಎಂದಿದ್ದಾರೆ. ಅದೇನೇ ಏರಲಿ, ಈ ಜೋಡಿಯ ಡಾನ್ಸ್ ಶೈಲಿಯೂ ಸೋಶಿಯಲ್ ಮೀಡಿಯಾ ಬಳಕೆದಾರರಿಗೆ ಬಲು ಇಷ್ಟವಾಗಿದೆ. ಈ ಜೋಡಿಯ ಡಾನ್ಸ್ ಶೈಲಿ ನೋಡಲು ಈ ಕೆಳಗಿನ ವಿಡಿಯೋ ನೋಡಿ.